Der Keglernerv
(von Christian Bamminger DJK-SV Edling)
Aloa stehst vorn, host
innerlich koa Rua, denn wieda schaun
100 Fäns dir zua. Koa
Gassn findst net, des is zwieda, da schreins
de andern: aufgehts, geht
scho wieda! Jetz schriens no viereglanga,
ja bin i bläd wo i doch
gern oan Neiner häd.
125 oscheibn, des is scho
wenig, jetz sagns a no: des is ausbaufähig.
Oan Fehlschub machst da
nach dem andern, am liabstn datst do
Glei auswandern. Mach die
lang, streck di zum Kegel,
wenn i hoid net triff, den
Flegel.
Zruck kimmst vom ersten
Durchgang ois gebrochner Mo, da sagn
de andern: Jetz kimmst auf
de guade Bo. A unmögliches Gstell
host dir ogschobn, doch de
Fäns, de dan di lobn. Auf gehts, des Gstell
geht auf oamoi, doch wieda
bringt de Kugl nur den Bora zum Foi.
Des Loch, des wird jetz
immer größer, doch de andern wissns besser.
Legs weida viere, de
schlupft scho wieda,
doch jetzt haust a no den
andern Bora nieda.
Oanzln triff i se nur, ja
dann Prost. kracht hods is der andere Trost.
Der hintre Kegl steht jetz
no alloa, Da schreins ma
"Dausend Meter
gradaus" ins Ohr. Tausend Meter, des is ganz schee vui,
bsonders bei dem depperten
Spui. I triff erm net, bin net guat drauf,
jetz stengas a no für den
Deppen auf.
I triff einfach net, jetz
kimm i a no ins schwitzn, doch was machas
jetz? Jetz bleibns sitzn! I
schwitz bis auf de Sockn oba, de saufn
hinten, und schwoammtn oba.
Scho wieda vorbei, jetz muas i leidn,
da schrein de andern: unten
bleibn.
I schau mei Zoi o, des Spui
is vorbei, weida untn konnst nimma sei.
Tuast dann über dei
schlechtes Ergebnis studiern, dann dans da a no
für den Scheißdreck
gratuliern.
Und wieda is a Kampf
vorbei,
du host zwar nix troffa, aber Hauptsach, Du warst
dabei!